燒皇燒烤雞煲專門店

营业中

休息中

一向好钟意鸡煲+边炉既配搭，呢到鸡煲既款式都几多，连酸菜鸡煲都有，我地最后就试左椰子鸡煲！ 好足料，而且去到最尾，汤底好清甜啊！食完鸡煲就可以打边炉，呢到特别既地方系佢仲有串烧食架！ 我地叫左烧菠萝、烧韮菜、烧鸡软骨等等。烧原只厚身鱿鱼好吸引！ 真系原条咁上，酱汁甜咸度岩岩好，鱿鱼又唔会过un ! 之后仲叫左风味炒蚬，都好惹味！芝士牛油焗金菇都好推介！呢个组合真系唔会输！串烧特大茄子都好好味。烧猪颈肉都好有惊喜，好易咬唔会un，烧到少少焦边，好脆口。火锅配料方面，最钟意就系个虾滑同墨鱼滑双拼，好弹牙！肉类方面，份量完全比足晒，牛肉片好重牛味！呢到仲有薯粉！即刻叫左2碟试试。