四季文昌 (已結業)

其实我个人几钟意食椰子鸡，可惜好少机会同朋友食。今晚终于可以满足下，未食先开心一番。🐔原味海南椰子文昌鸡锅(半只)用上两个椰青、一个椰皇做嘅汤底，超级清甜！令钟意饮汤既我饮左两碗半先开餐。文昌鸡系饲养150至180日的鸡，肉质嫩滑有弹牙，椰子汤底更可提鲜，令平时钟意食牛多D既我，更爱食鸡。椰子肉超级滑，一个人食哂甘济。👍🏻另外鼓油加上沙姜、金桔、辣椒，呢个配搭真系清新又好味。🥢紫菜响铃新鲜炸起，好似食紧小老板炸紫菜甘。🥢鬼马虾滑油炸鬼上铺满虾滑、蟹籽，入口爽脆。🥢极尚和牛拼盘和牛拼盘有5款：佐贺A5和牛牛肩、澳洲M9和牛牛肩、安格斯牛颈脊、加拿大牛舌粒、安格斯牛粒。两个人食可以试哂5款牛真的不错，基本上都牛味浓郁、肉质嫩滑。牛粒就要烚比较长时间，较结实，入口仍保留肉汁。🥢日本直送温室豆苗亲手剪感觉更新鲜，豆苗鲜嫩，一点草青味都无，真系超好味。🥢荔芋腊味煲仔饭(细)一打开，超级香！配料十足，又唔会太咸，荔芋超绵。今餐真系饱到好似食左放题甘，不过有机会我都仲会想食多次，哈。