影片
更多
2018-11-12
158 浏览
晚上同太太到铜锣湾行街shopping，喺世贸中心附近谂紧食乜，见到原来世贸有锦丽嘅分店，于是乎谂都唔谂就走上去睇下多唔多人等位先。之前喺中环返工，成日听到啲人经过蔡澜𠮶间越南粉，都话排队排到乜咁食唔到；跟手有同事话呢间锦丽都唔差，而家有机会就梗系要试下啦！我地两个都系叫左应该系最多人嗌嘅综合越南粉，入面有生牛肉，熟牛肉及牛丸，一次过满足晒想试匀所有野嘅人。枱面有教人食河嘅步骤：1. 首先趁热饮一啖汤头先2. 将随粉附上嘅香叶，九层塔搣碎加入汤入面3. 再将剩余嘅青柠同辣椒，芽菜加入面中4. 食得听佢讲，粉一到即刻饮左啖汤先，汤头系甜嘅，应该都用左好多牛骨黎熬出黎嘅，我老婆就话个汤底甜左啲。然后将其他配料加埋落去就开餐啦，啲河粉粗幼软硬都适中；生牛肉经热汤略微焯熟，呈现半粉红色，入口嫩滑。熟牛肉其实即系牛腩，对于钟意食牛腩嘅我黎讲，呢个牛腩算系唔错，纹理清晰，稍微带些少根膜，清香入味，比𠮶啲十记牛腩好食十倍啦。最唔起眼嘅牛丸竟然喜出望外咁好味，一口咬落去有juicy嘅感觉，亦有牛肉嘅牛香味，正！另外仲点左一份牛油鸡翼，卖相冇乜特别，但咬落香脆热辣，上面有一堆牛油蒜蓉，喜欢牛油同蒜蓉嘅朋
之前喺中环返工，成日听到啲人经过蔡澜𠮶间越南粉，都话排队排到乜咁食唔到；跟手有同事话呢间锦丽都唔差，而家有机会就梗系要试下啦！
我地两个都系叫左应该系最多人嗌嘅综合越南粉，入面有生牛肉，熟牛肉及牛丸，一次过满足晒想试匀所有野嘅人。
枱面有教人食河嘅步骤：
1. 首先趁热饮一啖汤头先
2. 将随粉附上嘅香叶，九层塔搣碎加入汤入面
3. 再将剩余嘅青柠同辣椒，芽菜加入面中
4. 食得
听佢讲，粉一到即刻饮左啖汤先，汤头系甜嘅，应该都用左好多牛骨黎熬出黎嘅，我老婆就话个汤底甜左啲。
然后将其他配料加埋落去就开餐啦，啲河粉粗幼软硬都适中；生牛肉经热汤略微焯熟，呈现半粉红色，入口嫩滑。
熟牛肉其实即系牛腩，对于钟意食牛腩嘅我黎讲，呢个牛腩算系唔错，纹理清晰，稍微带些少根膜
，清香入味，比𠮶啲十记牛腩好食十倍啦。
最唔起眼嘅牛丸竟然喜出望外咁好味，一口咬落去有juicy嘅感觉，亦有牛肉嘅牛香味，正！
另外仲点左一份牛油鸡翼，卖相冇乜特别，但咬落香脆热辣，上面有一堆牛油蒜蓉，喜欢牛油同蒜蓉嘅朋友实唔会错过。
张贴
