幸福四季椰子雞 (永光中心) (已結業)

👩🏻之前食过旺角店觉得好正，劲钟意佢哋清甜嘅椰子鸡汤，喺第二度食唔到呢种味道。🥢幸福四季套餐每位$318/2位起（已包括酱料费）✨柚子沙律✨川味云耳柚子沙律嘅柚子醋味道清新。椰子汤未滚起先食餐前小食。云耳好辣好开胃，仲好重芫荽味。✨原味椰子鸡锅（半只）啖啖都系椰青水嘅清甜，反而最食到食材嘅鲜味，仲有啲爽滑香甜嘅椰青肉。文昌鸡本身比较瘦，食多少少都唔会腻。✨黑松露墨鱼丸👍🏻✨花胶牛丸✨瑶柱三层墨鱼砖✨手工鲜虾云吞👍🏻套餐有得拣四款丸/饺。我哋拣呢四款入面最好食系鲜虾云吞，大只鲜甜饱满冇得输。黑松露墨鱼丸墨鱼肉比例几高，都系高质。相反就冇咁推介花胶牛丸、瑶柱三层墨鱼砖。尤其系墨鱼砖，味道比起墨鱼丸淡好多。✨美国顶级牛板腱比较瘦同埋肉味浓，份量亦比起想像中多好多。因为食椰子鸡已经啖啖肉，所以食瘦少少嘅牛肉更加正。✨手工响铃上枱𠮶阵真系热辣辣，当然又脆又唔会有油膉味。✨杂菜拼盘✨乌冬✨杞子圆肉雪梨茶清甜滋润，甜度唔算好高。比起平时打边炉饮嘅竹蔗茅根有特色。