華順越南餐廳 (已結業)

其实今次已经系第二次嚟呢度食饭，一次夜晚、一次晏昼，同样都系天气翳热冇乜胃口。今次同阿K和佢妈妈一齐食晏。据阿K讲Auntie 对食嘅要求比较严谨，不能同我地呢D普通所谓食家相提相提并论。此店位置系忽较僻，要靠一块摆响路边嘅小路牌先可以揾到。天气实在太闷热，入到里面冷气明显唔够，坐咗好耐鼻头还有一滴滴汗珠。我地三个人嗌咗三丝檬、鸡丝扎肉檬和香茅猪扒金边粉。我地嗌咗汤檬，事后谂番应该食捞檬先啱。我觉得食檬配料其实系其次，最主要系个汤底。呢度啲汤底几清甜，虽然系落咗少少味精(事后皮肤又有敏感)，但落得唔系太过份，食完唔会话好口渴。所以明知有可能皮肤敏感，都忍唔住饮咗几啖。香茅猪扒都煎得几金黄，咬落都有啲肉汁当然夹杂著肥腻嘅食用油啦。呢度嘅炸春卷都整得唔错，不过今次就冇嗌到。埋单每人大约三十蚊，我认为在这区嚟讲算系唔错嘅越南菜馆，值得再去帮衬。