XTC Gelato (已結業)

对于钟意食雪糕嘅人而言，并无分季节，夏天要食，转凉亦都可以继续食。周末坐船过海前，黎到码头当然唔少得食番杯雪糕！XTC Gelato呢个品牌已经有好多年历史，出品意式雪糕，但系佢地系本土品牌啊，香港制造的雪糕强调无添加防腐剂、添加剂，天然食材嘅颜色加上牛奶，无色素，而且人手制作，价钱唔贵。喺11月开始推出十款秋季限定雪糕、雪葩口味，好特别，有焗苹果金宝、辣朱古力、花生酱、玫瑰花瓣、蜂蜜五花茶等，兴趣可以去试下。单球定价$39，双球$49，三球$59，可以选择筒装或者杯装。店员好耐心，我地试左几款口味之后决定拣两只比较特别的，冇谂过可以用黎做雪糕/雪葩嘅口味 - 蜂蜜五花茶、清姜蜜糖脆脆。蜂蜜五花茶、清姜蜜糖脆脆 $49自家煲制嘅凉茶口味系雪葩，冰感重啲，味道突出， 里面加入左蜂蜜，所以甜度稍高，好似饮紧好冻好冻嘅凉茶咁。清姜蜜糖脆脆推介可以一试，姜味雪糕特别得黎几好食，食落够哂姜，但因为加左蜜糖脆脆作中和，容易入口，我同男朋友都好喜欢雪糕质地厚滑，但就唔似平时啲意式雪糕咁黏身，溶得几快啊，影完相都要急急脚食呢。贪心叫店员俾少少朱古力我试试，几香浓而且唔会甜腻，佢话系70%朱古力，都系店