関東酒場 (已結業)

今日去大角咀食日本嘢，一间叫做关东酒场嘅餐厅。关东酒场主打饮清酒，同埋食关东煮，系大角咀区内唯一一间食关东煮嘅地方。餐厅带有日式和风装修，好有日本地道居酒屋嘅气氛。最吸引我嘅地方，系清酒放题，可以一次过试晒唔同味道同埋牌子嘅清酒，一边饮，一边品尝日式关东煮，同埋串烧嘅美味。-清酒除咗最高𠮶层，有三层咁多嘅清酒可以随便任饮，由于对清酒认识唔多，职员都好主动，专业咁介绍唔同种类嘅清酒，配搭唔同口味嘅食物。我哋一共试咗9款清酒，比较喜欢嘅有 : 京都匠，纯米大吟酿，淡淡香甜果香，入口微辛。另外比较有印象嘅系 : 作惠乃智纯米吟酿，口感清爽顺滑微甘，果香浓郁，配上串烧一齐食，一流。-关东煮清酒放题会包括几款关东煮，极力推介牛筋，牛肚，猪肠，同埋萝卜，关东煮汤底非常鲜甜，牛筋牛肚煮得非常之淋，萝卜亦都吸晒所有汤嘅精华，好入味，正！-串烧/烧物我哋叫咗一个E set. 清酒蒸蚝同香辣烧蚝两种唔同口味，两款同样可以提升生蚝本身嘅鲜味。蟹膏蟹肉甲罗烧，蟹膏非常浓郁，蟹肉亦都份量多，配上薯片一齐食，送酒简直一绝。串烧方面，日本和牛串同埋牛舌，都冇令人失望，牛味非常浓郁，每一口都系和牛嘅油脂，令人感动嘅味