影片
更多
2021-11-16
2963 浏览
近排去咗Staycation足一个月，夜晚最好嘅节目当然系饮返杯～酒鬼就是这样练成的！晚晚调酒玩到闷，当然想揾下啲新玩意！最近除咗有Wine and Dine 之外，仲见到有由JFOODO举办嘅大型清酒活动-SEAFOOD LOVES SAKE.～全港约有100间餐厅参与，每款「清酒x海鲜」都系由国际唎酒师Ivan Sean亲自配搭～平时食中菜又真系未试过用清酒去配搭！一于去试下有几特别！咁多间餐厅入面，今次去咗间多次获米芝莲星级推介嘅川粤菜厅-骏景轩～当晚嘅菜式会有薰酒、爽酒、熟酒、醇酒，4款唔同嘅清酒配搭。当中最令人意外嘅系，竟然连水煮鱼咁浓味嘅菜式都配到清酒！即刻同大家分享吓当日嘅配搭～！黄金炸鱼皮、椒盐田鸡腿、蒜泥白五卷（薰酒-月桂冠 爱说话的鲸鱼 纯米酒 ）第一款配有清酒嘅菜式系黄金炸鱼皮，黄金炸鱼皮入口松脆，加上满满嘅咸蛋黄，香脆非常！而「爱说话的鲸鱼」入口香甜，感觉清新，平衡返鱼皮嘅咸香同油腻感，浓淡相易，食多几件都唔怕～另外，仲试咗佢地嘅椒盐田鸡腿同蒜泥白五卷，田鸡腿带微辣，肉质嫩滑，只脾仔都几肥美～而蒜泥白五卷就比想像中辣，食落非常惹味刺激！杏汁白肺汤奶白色嘅杏汁白肺
近排去咗Staycation足一个月，夜晚最好嘅节目当然系饮返杯～酒鬼就是这样练成的！晚晚调酒玩到闷，当然想揾下啲新玩意！最近除咗有Wine and Dine 之外，仲见到有由JFOODO举办嘅大型清酒活动-SEAFOOD LOVES SAKE.～全港约有100间餐厅参与，每款「清酒x海鲜」都系由国际唎酒师Ivan Sean亲自配搭～平时食中菜又真系未试过用清酒去配搭！一于去试下有几特别！
咁多间餐厅入面，今次去咗间多次获米芝莲星级推介嘅川粤菜厅-骏景轩～当晚嘅菜式会有薰酒、爽酒、熟酒、醇酒，4款唔同嘅清酒配搭。当中最令人意外嘅系，竟然连水煮鱼咁浓味嘅菜式都配到清酒！即刻同大家分享吓当日嘅配搭～！
黄金炸鱼皮、椒盐田鸡腿、蒜泥白五卷（薰酒-月桂冠 爱说话的鲸鱼 纯米酒 ）
第一款配有清酒嘅菜式系黄金炸鱼皮，黄金炸鱼皮入口松脆，加上满满嘅咸蛋黄，香脆非常！而「爱说话的鲸鱼」入口香甜，感觉清新，平衡返鱼皮嘅咸香同油腻感，浓淡相易，食多几件都唔怕～
另外，仲试咗佢地嘅椒盐田鸡腿同蒜泥白五卷，田鸡腿带微辣，肉质嫩滑，只脾仔都几肥美～而蒜泥白五卷就比想像中辣，食落非常惹味刺激！
杏汁白肺汤奶白色嘅杏汁白肺汤，好少地方做到咁出色，一入口已经饮到浓浓嘅杏仁香，但又唔会过浓，猪肺唔会有腥味，鲜甜非常！
金银蒜粉丝蒸元贝（爽酒-嘉美心 备中流 纯米大吟酿）
第二款配有清酒嘅系金银蒜粉丝蒸元贝～作为
爽酒嘅备中流 纯米大吟酿，味道同样轻盈清新，少咗第一款嘅甜味，但带有淡淡米香。元贝大大粒，鲜甜弹牙，呷完一啖再食，令元贝嘅鲜味更加突出～
瓦罉胡椒虾（醇酒-真野鹤 鹤 辛口 本酿造）
第三款配有清酒嘅系瓦罉胡椒虾，打开瓦罉后，立即传来浓浓的胡椒香！刺激嘅胡椒香同大虾味道好夹，而醇酒嘅酒香相对浓郁，唔会俾胡椒味盖过，既能令海鲜提鲜，更多添了一份酒香。
拔丝咕噜肉餐厅用咗猪颈肉去代替一般嘅排骨，外层由一层又薄又脆嘅糖衣包住，拉起时，表面嘅糖衣仲会拉起丝~入口肉质嫩滑，外脆内软，配上酸甜酱汁，非常醒胃！
水煮桂鱼片（ 熟酒- 达磨正宗三年）
睇到红当当嘅颜色就知道一定惹味非常！大大块嘅桂鱼片，口感十足，鱼片入口嫩滑带点麻辣，如果想刺激一啲，底下嘅粉条绝对能够满足到你！4款清酒当中，以依款味道最女浓厚，熟酒嘅年份越高，颜色会较深。而3年嘅熟酒颜色为金黄色，味道有点像中式的花雕，熟酒的浓醇配上麻辣的感觉，令味道变得更加丰富，刺激非常！
黑松露手撕炸子鸡松露手撕炸子鸡的精髓，绝对是上方薄薄的脆皮，鸡皮炸得金黄香脆，而手撕鸡则混入了黑松露，令味道大大提升了！
生炒糯米饭临近尾声，再来一个生炒糯米饭！糯米饭加入了大量腊肠、腊肉、虾米、蛋花及葱花等，饭粒口感烟韧，粒粒分明。每啖也充满著腊味的香味。清酒唔一定只能海鲜！达磨正宗三年同生炒糯米饭嘅味道都非当配合呢！
芋蓉煎堆仔最后当然系甜品！其实食完以上咁多款菜式已经饱饱，但最后都想食啲甜品作结～芋蓉煎堆仔入口香脆，带点软糯口感，入面包裹著少量芋蓉，带点芋头香，整体唔会太甜，为一餐丰盛嘅晚餐画上完美嘅句号。
📍📍📍📍📍📍📍📍
骏景轩 (湾仔)
湾仔皇后大道东373号英皇骏景酒店1楼
📍📍📍📍📍📍📍📍
张贴
