牧羊少年咖啡館 (香港單車館) (裝修中)

星期日相约朋友黎呢度食早餐。一早0845 就到，到既时候都只有一两枱客。地方好宽敞，我地坐卡位，卡位基本上坐四个人都唔会逼。枱同枱之间相隔甚远。而且有书可以借阅，比大型连锁咖啡店更舒服（除左无沙发之外）单车馆无开，都有担心过佢唔开。好彩行半个圈就揾到喇。好耐无食过公仔面，又想食肠仔，所以就叫左呢个汉堡蛋肠仔火腿面喇！全部都正常，唔会话烂烂的或者有怪味。野饮方面叫左苹果玉桂茶。朋友叫左夹饼，香脆再上蜜糖，我后悔无叫到。我地倾下讲下，不知不觉竟然坐左差唔多两个钟。其间并无赶客现像。唔知道午市系咪都系咁呢？