Chez Bistro (已結業)

最近返工积蓄左太多压力只有食先可以解放到今次黎到铜锣湾一间法式西餐去试一试楼上餐厅既高水准西餐，餐厅布置简约感觉好舒服灯光柔和的确减少左部份压力令精神放松一下。而且餐厅好细心有食客生日会系黑板上写上祝福句。前菜系蒜蓉白酒法国蓝青口份量好多而且粒粒青口都开左口唔会有部份未开口，法国蓝青口相比其他品种青口肉较细颜色较黄但肉质非常饱满而且重海水味好鲜甜，蒜蓉白酒汁香甜配上青口鲜味令青口味更突出升华。前菜后送上波菜蓉忌廉汤，带磨菇味食材唔会打得太碎仲有少少口感忌廉味突出口感滑。主菜炭烧澳洲羊仔扒拼羊肉烧汁，羊仔扒有2件羊肉味唔会过重有膻香味得黎又唔浓，羊仔肉好嫩容易切开及咬开烧得外全熟内里岩岩熟又唔会过火仍然可以锁住肉汁，配菜精致有特色既黄金椰菜花，bb西兰花及甘荀味道无太大分别口感比平时更脆。甜品波萝椰子糯米布甸，内里系椰子奶冻做底一入口奶味比较重之后慢慢淡出椰香味，上层有波萝雪糕波萝味重而且有波萝丝左内糯米饭系绿色带少少斑兰香味。