阿來東南亞風味 (已結業)

最近要on diet，要唔食淀粉质真系有啲困难，唔通次次都食西餐沙律咩。今晚同另一半去咗呢头揾食，本来想去另一间出名嘅越南餐厅，但见到排晒长龙，入边啲位又好迫，于是就放弃咗。然后揾到呢一间，上嚟睇吓见到comment都唔错㖞，所以就决定入去帮衬一下。有好多嘢都想试，但系怕食唔晒所以都系叫咗三个𩠌，而且份量都比一般泰国餐厅多，价钱又唔贵，性价比真系好高。我哋叫咗「马拉盏通菜」、「蛋黄鸡翼」、「铁板蚝饼」。每碟都好足料啊，我哋两个食完都好饱。仲有叫左个荔枝梳打share来饮，都好好味呀。「马拉盏通菜」炒得好惹味，「蚝饼」就比较清淡一啲，所以我都系一啖蚝饼一啖菜咁食，哈哈。「蛋黄鸡翼」炸得好脆好香口，而且做成单骨咁整，食起上嚟都好方便。总括嚟讲第一次食都好满意，虽然唔系高级餐厅服务，但啲人都serve得 OK，每次叫到即刻应你同做对应，上菜也好快。还有其他菜式想试，会再帮衬。