Tea Express Bar by Jrink (已搬遷) 新店位置

平时好钟意饮甜野，所以一直都唔想side quota 去试所谓既抹茶甘苦味，之前同朋友经过K11 抱住唔甜应该唔好味既心态去试抹茶芝士丸丸，点知有意外惊喜。睇住茶艺师整抹茶，见到真系用抹茶现打，本身见到无咩乜落糖惊自己饮唔惯、不过试左又ok wor！奶盖本身带有甜味，抹茶无糖，加上抹茶丸丸，店员叮嘱要搅匀先饮，唔系个味道会一层层分开饮唔到个配搭特别之处，我就梗系两样都试下，又唔讲错，喜欢甜味既我唔搅匀真系会觉得完全唔甜，但搅匀之后发现个味道好match、值得我写个食评表扬👍 另外朋友叫左伯爵茶朱古力，我又梗系再试试唔搅匀同埋搅匀既味道啦，结果发现原来平时d 店员真系无讲错，搅匀系好好饮，唔搅匀的话个伯爵朱古力会太「杰」，同d 奶未融合埋，同搅匀左真系味道差好远。😂终于明点解一杯饮品都可以有咁多种口感。真心推荐，搅匀既抹茶丸丸同埋伯爵茶朱古力！