影片
更多
2022-10-10
69 浏览
一日最烦系谂食咩!问女友小熊晚餐想食咩，佢话减肥㖞，玩咩咩 168 㖞! 所以唔洗帮佢买晚饭...... 算数! 我自己买外卖!心血来潮晚饭想话食金鹤拉面，于是打算收工后落佐敦店叫外卖，途中小熊打嚟问我身在何处...."我咪坐紧车落佐敦买外卖啰!""...... 不如去金鹤堂食啦! 因为.... 其实我今日落咗油麻地见客....""你又话减肥?""我玩168，都无食早餐，中午先食饭...."其实我都唔系好明佢讲咩，咩叫168，总之.... 最后由外卖变堂食.一踏入店舗，日剧"深夜食堂"嘅气氛又出现，再加上播放日文歌曲令气氛更浓，好似身在日本D后巷小店!小熊点咗极浓鸡白汤拉面，而极浓蟹汤拉面仍然系我至爱!极浓鸡白汤拉面上有块炸牛蒡，炸得香脆之余视觉上都好正，炸到好似一件艺术品.极浓蟹汤拉面蟹肉份量不少无偷工减料，有D拉面店嘅拉面分软，中，硬. 金鹤拉面嘅面质属于硬，当然唔系硬到咬唔到嘅硬啦! 而口感夹自己口味，因为我唔中意食软质拉面.由于中午已经想话放工后落金鹤买外卖，所以 Lunch 唔食太多留定肚饮佢地嘅浓汤!其实浓汤先系主角，美味之余浓郁得不得了，白鸡汤已经超浓，但蟹汤更浓郁，小
问女友小熊晚餐想食咩，佢话减肥㖞，玩咩咩 168 㖞! 所以唔洗帮佢买晚饭...... 算数! 我自己买外卖!
心血来潮晚饭想话食金鹤拉面，于是打算收工后落佐敦店叫外卖，途中小熊打嚟问我身在何处....
"我咪坐紧车落佐敦买外卖啰!"
"...... 不如去金鹤堂食啦! 因为.... 其实我今日落咗油麻地见客...."
"你又话减肥?"
"我玩168，都无食早餐，中午先食饭...."
其实我都唔系好明佢讲咩，咩叫168，总之.... 最后由外卖变堂食.
一踏入店舗，日剧"深夜食堂"嘅气氛又出现，再加上播放日文歌曲令气氛更浓，好似身在日本D后巷小店!
小熊点咗极浓鸡白汤拉面，而极浓蟹汤拉面仍然系我至爱!
极浓鸡白汤拉面上有块炸牛蒡，炸得香脆之余视觉上都好正，炸到好似一件艺术品.
极浓蟹汤拉面蟹肉份量不少无偷工减料，有D拉面店嘅拉面分软，中，硬. 金鹤拉面嘅面质属于硬，当然唔系硬到咬唔到嘅硬啦! 而口感夹自己口味，因为我唔中意食软质拉面.
由于中午已经想话放工后落金鹤买外卖，所以 Lunch 唔食太多留定肚饮佢地嘅浓汤!
其实浓汤先系主角，美味之余浓郁得不得了，白鸡汤已经超浓，但蟹汤更浓郁，小熊饮唔哂我都饮埋佢个份，包尾杀! 涨肚!
除咗超浓汤，炸鸡同样出色，外层鸡皮炸得超脆，内层鸡肉 Juicy, 好过好多炸鸡店嘅出品!
饮完两个超浓味嘅汤，仲以为食烧猪颈肉会淡然无味，事实系相反，烧猪颈肉无落D咩腌料，斋落盐，虽然只落盐又出奇地夹，猪肉味浓口感唔干够肉汁，美味!
"不如食完拉面打的返屋企啰" 小熊食到包哂唔多想行.....
"又话减肥!" 我吋佢!
"168意思系咪增肥到168磅㗎!"
168磅的肥熊......
极浓鸡白浓拉面
11 浏览
0 赞好
0 留言
极浓蟹汤拉面
8 浏览
0 赞好
0 留言
炸鸡
12 浏览
0 赞好
0 留言
烧猪颈肉
11 浏览
0 赞好
0 留言
张贴
