沙灘咖啡廳

营业中

休息中

难得放假，就走咗入大尾督叹下午茶，今次嚟到一转弯入去泊车嘅第一间餐厅，叫做Beach Cafe，假期真系特别多单车友，同埋顿时觉得大尾笃好旺好热闹，同平日争好远。呢间餐厅嘅好处系泊车方便，因为门口个姐姐会帮你摆啲椅喺度，摆住啲车位。当你要喺呢间餐厅用餐嘅时候，佢就会揾个位俾你泊，我哋新可以拍喺门口，而且我哋坐门口最出个张枱，可以望到架车，又可以欣赏咁靓嘅风景。下午茶套餐方面有大约10几款选择，有意粉系列同埋小食系列。我哋两个人就拣咗一份三文鱼沙律，同埋炸鱼手指配薯条，套餐中包一杯野饮都系大约四十几，＄50左右。沙律卖相好吸引，三文鱼变咗玫瑰花，沙律菜都有好多款，不过啲汁就太多，感觉总是酸酸的，可能我唔太钟意酸野，呢啲都系个人喜好。炸鱼手指有三条，炸得好香口，而且食落好滋味，薯条就放喺底部，但系我反而觉得薯条仲好食过鱼手指，佢啲炸薯条好新鲜，即刻炸，而且热辣辣，搞到我食唔停口，最后梗系清晒啦。饮品方面我就叫咗杯热朱古力，杯热朱古力都好有心思，朱古力面头拉咗花，原来系花图案，好靓呀，搞到我唔舍得饮呀。整体来讲呢间餐厅可以值得再试，之前都系试过食lunch同埋食下午茶，下次可以过嚟食晚餐。