花園餐廳 (東廣場) (已結業)

星期六我同妹妹2姐妹到联合医院探妈咪，探完之后正正系lunch 时间，但眼见裕民坊好多餐厅都已经执左，周围望下仲有咩食，咁啱就见到有间花园餐厅咁就决定去食啦。去到时大约都2点，可能因为咁有好多空位，直入就有位坐了。难得妹妹话请客仲叫我一定要食牛扒，所以lunch 食豪少少锯个扒先。我叫左个铁板肉眼扒，唔知系咪惯左新式扒房，一般会一早问定你咩汁，佢会系上菜前淋埋但今次我见佢冇问，只系问我饮咩汤。我饮嘅系白汤，入面有杂菜粒，但都几creamy系传统嘅港式白汤。个扒上黎我仲系度谂梗个汁点算，之后已经见侍应拎左2个大筒黎问我要黑椒定蒜蓉，呢个时候我先醒起旧时系真系有侍应会系你份铁板上菜时先帮你淋汁，于是我拣好左要蒜蓉汁后佢就叫我用餐巾庶住自己佢要淋汁啦。呢个动作我都好耐冇做啦，童年回忆出返黎，依家新嘅餐厅都唔会再有呢个场面睇，当汁淋上铁板时升上黎嘅烟高到上天花板，隔离台小朋友都兴奋到大叫火山爆发，哈哈。块扒都系传统港式腌到好淋身嘅牛扒，不过牛味就唔多够，可能系腌得太过了，佢嘅配菜系薯条同菜，但估唔到系小唐菜，果然系好地道。蒜蓉汁亦唔太够蒜味，不过食回忆又一流嘅。