1仔冰室 (已結業)

有感好耐无同班行家聚一聚，update 下市场最新状况，寻晚ad hoc call 饭局，大家分布港九新界，最好就揾个中心点方便大家。尖咀好多餐厅唔坐得耐，又贵夹唔饱。Search 到红磡有间新开冰室就决定试下约呢度，话晒东西铁总站，又系巴士总站。夜走都有的士，最0岩第2日要返工又想聚下呻下嘅饭聚。天气麻麻，我就懒行，红磡火车站$24蚊的士去到门口，方便又affordable。可能我早啦，一入去无咩人就拣咗张大枱，都几光猛同干净。要赞一赞厕所几卫生，不过就窄咗少少。我地一行6人，个个志在吹水，所以都无点太多嘢。因为早，好好彩食到佢地龙虾鲍鱼蒸饭，D 饭蛋白炒底，好有心机，上面鲍鱼用陈皮蒸，龙虾就加咗大量蒜蓉，D 鲜味落晒D饭度，好惹味！男士要啤一啤，所以就点咗好送酒嘅椒盐鲜鱿。外脆内软，唔老，火喉控制得好好。少少辣系几开胃。呢间冰室肉饼都几多款，好少冰室咁多选择，我地就点咗潮式的，食得出手刴，好家常，感觉好屋企(可惜挂住食无影)。我地都另外加多两碟菜，好够镬气。