羅麥記 (東薈城名店倉)

营业中

休息中

今日黎到东荟城食呢间罗麦记食晚饭。一入到去见环境都十分阔落，墙上面有好多有关香港特色既画，有种返左去童年既感觉。座位都系梳化，坐得十分舒适。入到去staff就帮我地点餐，我地叫左四川回锅肉、酸菜鱼片、罗麦鸡翼、红豆冰小忌廉奶茶同埋怀旧香蕉船。等紧野食途中staff帮我地更换放系柜桶餐具，保持干净，感觉有卫生意识。蕃茄薯仔猪骨汤饮落似平时屋企煲既汤，感觉上冇味精，清清淡淡但够晒味。罗麦鸡翼非常之入味，有少少辣好惹味，个汁送饭一流。四川回锅肉够晒干身但冇炒到过老，火喉够，色香味俱全。酸菜鱼片啲鱼片十分弹牙，配菜云耳好好味，汤底有酸菜既味道但唔会过酸，十分开胃。红豆冰小忌廉奶茶第一次饮呢种配搭，三种配搭得岩岩好，好好饮！怀旧香蕉船呢个系我最中意既甜品，因为系东涌冇甜品店，所以系呢度食到香蕉船好惊喜！有三球雪糕，够晒足料，食到好满足。