港嘢食堂 (已結業)

相信有唔少朋友去九龙湾国际展贸中心 (简称九展)既原因，除左返工既关系，相信都会系为左睇车﹑睇戏同睇表演。以小编既经历过往既九展食肆既数量真系少得可怜，结果每次睇完表演都要挨肚返去九龙湾站附近既食肆；但近年九展将地面及2楼楼层都改为食肆层，并引入唔同地区既料理，令整个场地响有演出既日子都方便聚集更多人流。因为欣赏演出关系，小编都趁演出前医定肚先! 经过港嘢食堂见到都有中式既鸡类食品，以及类似铁板饭既菜式，而价钱都系介乎于$50-70比较合理既价钱下，就梗系试试先啦。今次小编就试左无骨麻辣口水鸡饭。本身口水鸡饭已经包左油饭及例汤﹑而配一般既热饮就加3蚊。一上枱最令小编深刻就系碗冬瓜粒既例汤，冬瓜粒全部都系切成粒状，方便入口；而且冬瓜都煲得好淋，所以响大热天时作为消暑既汤绝对系好选择。至于口水鸡方面，除非佢以鸡脾或鸡翼去出餐，否则口水鸡真系全部已经去骨，鸡肉冻冻地但肉质非常滑，所以伴随油饭一齐食既感觉都几好。不过如果想追求辣或者麻味既朋友，可能就会比较失望，因为口水鸡既酱汁唔算令你既味蕾有太大既刺激。但综观黎讲份量十足，都算唔错既。$69+$3既价钱虽然唔算平，但如果整餐计有饭有汤有饮品，