大澳冰室小廚

营业中

休息中

呢间大澳冰室一直都系hku同学仔系campus出面食平tea嘅好选择，笔者温书温到好累，于是同朋友一齐黎呢间闻名已久嘅餐厅食佢嘅茶记下午茶。笔者叫左咸牛三文治同埋花生占多士，先讲下咸牛治，佢嘅馅料非常之多，唔会出现包皮附近无晒馅要干食嘅情况。而佢嘅咸牛同出边茶餐厅嘅味道虽然大同小异，但系因为佢个三文治系即叫即整，所以咸牛加蛋加埋唔会好似平时食咁，d油会渗晒出黎，搞到馅料食落好油腻；至于三明治嘅包上嘅时候系热，做到松软嘅效果，岩晒唔想食热气嘢嘅朋友。至于花生占多嘅份量虽然无咁多，但系同样都系即叫即刻整，个多士系烤完即刻再搽上花生酱，所以d花生酱系呈现融化嘅状态，而系流质嘅花生酱同脆香嘅多士之余，笔者食到一粒粒嘅花生碎，都叫左香口。但系注意，食个阵d花生酱好大机会会流到周围都系，所以笔者推介要用纸巾攞起食，唔好用刀叉。最后讲下红豆冰，红豆冰就比较失望，只可以话系一班嘅水准，红豆并无煮到烂，所以红豆冰无咩红豆味，反而杯嘢非常之甜，应该系加左好多糖落去调味，搞到红豆冰无红豆亦都无椰奶味，算系美中不足嘅地方。