The Tiffany Blue Box Cafe

营业中

休息中

朋友生日，决定去一个可以影相嘅地方庆祝，所以就去咗Tiffany blue box cafe。成间餐厅主调就系白色同埋Tiffany Blue，影相一流。我哋系夜晚去嘅所以就点左主食，分别点左黑松露酱烤鸡三文治、素肉酱意粉、海鲜墨汁意大利饭。素肉酱意粉真心有惊喜！本身我个人麻麻哋钟意食素，呢个意粉我竟然觉得有肉味，味道真心好好，我觉得仲好食过正常肉酱意粉！ 海鲜墨汁意大利饭都唔错，正常质素。比较失望嘅系黑松露酱烤鸡三文治，我觉得冇乜黑松露味，旁边嘅薯条亦都冇乜咸味，比较失望。到咗重头戏：The blue box cake ($588)。呢个蛋糕系要预订嘅，既然系庆祝生日点可以冇蛋糕！店员拎出嚟嘅时候好惊喜，因为真系整得好精致，好似一个礼物咁！咁我哋当然对住呢个蛋糕影咗好多相啦，唔好以为呢个蛋糕得外表好睇，佢估唔到咁好味！平时食𠮶啲装饰蛋糕通常都系得个样，入面唔好食嘅，但系呢个完全冇呢个问题，佢瞓咗几层分别有moose、海棉蛋糕、朱古力脆脆，口感好好，同埋唔容易漏，味道一流！虽然贵咗啲，但系都值得。