Coffeelin (高街) (已結業)

同阿妈去完买海味之后，深度游下西营盘，去食个小小嘅下午茶，咖啡加三文治，最啱我个港女阿妈去打卡。我就拣咗火腿佐鸡肝酱三文治，嚟到嘅时候火腿系爆满，揸上香浓嘅鸡肝酱令到成个三文治锦上添花，加埋个brie cheese 令到成个口感同层次都好丰富。而妈咪就拣咗风干火腿配黑松露油加软芝士，呢个都好惊喜，风干火腿配埋火箭菜已经好夹，仲有一旧厚切嘅芝士，另外亦都见到职员炮制嘅过程，连个包嘅表面都系香脆嘅。三文治可以加$25有野饮当一个Combo咁嗌，我同妈咪就一人嗌咗一杯冻同热嘅Mocha，咖啡豆系甘香𠮶只，亦都唔会好甜，咖啡既拉花花，打嘅奶亦都相当之有水准。下次唔系特登经过，都要专登过嚟食。