TEA HUB (已結業)

有朋友婚礼喺附近长沙湾嘅教堂举行，于是约咗另一个friend喺附近揾啲好嘢食啦，就拣咗呢间港女指数爆表嘅tea hub.当时餐厅似乎净系做紧vegetarian food,所以主食基本上得素食拣。烧杂菜配咖喱蛋包饭卖相非常靓，佢个蛋包饭嘅蛋系好似个swirl咁整得好靓，不过略嫌个蛋唔系好够「包」晒成个饭，只系「盖」住啲饭。烧杂菜有薯仔、萝卜、三色椒，颜色都几丰富。不过佢个饭就系白饭，个人会钟意食茄汁炒饭底嘅蛋包饭多啲，而且呢个饭对于平时系食肉兽嘅人就会dry咗些少，始终都系得啲蔬菜同个咖喱汁送，不过咖喱味道都唔错嘅伯爵茶戚风蛋糕一向都唔系好钟意食啲好多cream呀mousse呀嘅cake,遇上chiffon cake/butter cake呢啲basic款蛋糕都会毫无悬念去食，今次试咗佢嘅Earl Grey Chiffon Cake,卖相靓之余亦都好好食，啲cream食落都唔会好heavy.食落亦有茶香🍵山楂洛神花茶酸酸地几解滞，饮热嘢又可以养生啲