中哥廚房 (已結業)

今晚妈妈迟放工无买𩠌煮饭，番到屋企就话好攰，冲个凉出街食饭。附近有间中菜餐厅，好似茶餐厅但其实是一间中菜馆。餐牌有好多选择，有小菜外仲有炒粉面。酒楼最常有芝士大虾伊面。今晚都叫左一碟试试。满满芝士汁铺在伊面上，伊面入口弹牙唔会好霉好腍，好怕入口太软腍的面质。芝士味道清清不太浓厚，轻轻芝士香味，大虾爽弹无虾肠。黄金琵琶豆腐。咸蛋黄捞炸豆腐，豆腐外脆内软，外层浓浓咸蛋黄香，入口咸香滋味，食到停唔到。新姜羊肉。羊肉粒粒香嫩羊膻味不重，薄饼面粉香口油香重，入口不太油腻。