金蘭花泰國菜 (已結業)

湾仔区揾嘢食都唔易架，尤其想食泰国嘢。呢间楼上泰菜我就几推介啦！因为真系有好多菜式系出面泰国餐厅无得食嘅，例如恐龙蛋啦，臭草煎蛋啦等等。有多款菜式拣，又做到正宗泰国嘅味道，都真系唔易。今次就想食咖喱，我就拣咗青咖哩猪颈肉捞妈妈面，咁多款咖喱我就比较钟意青咖喱，因为较为辛辣，食落无咁甜腻，呢度都整得几好食，食落好香，配上面食好开胃。朋友就拣咗红咖喱炒素瓜，红咖喱睇落好似好辣，实际辣度会比青咖喱柔和啲，配上瓜菜食就更加惹味可口，唔钟意食菜嘅我都忍唔住食咗好多。