阿爺燒鵝餐室 (已結業)

难得早放工就决定四围觅食，见到港岛东竟然有主打食烧鹅嘅铺头，门面又几靓，就决定试下。餐牌有好多唔同选择，除左烧味同烧味饭，仲有Ｄ套餐可以拣。但既然烧鹅出名，我就梗系点烧鹅髀饭，朋友就点咗叉烧油鸡饭。烧鹅髀饭一嚟到，望到都口水流，大大只脾又好有肉汁。一咬落去，鹅油好香之余仲有啲烟熏味，个皮都几脆，肉厚得黎肉质嫩而不柴。朋友望望下都忍唔住偷咗我一旧嚟食😂😂餐厅环境算唔错，唔同一般街坊烧味店，一啲都唔污糟，墙上仲挂有啲好得意嘅鹅画。后尾食完先睇到贴系门上嘅剪报，原来铺头系用上100日嘅鹅烟熏而成，唔怪得咁嫩又有汁。