生記食家

营业中

休息中

生记食家嘅早餐同午餐都有一定嘅水准，此店座落喺港岛区黄竹坑南朗山道嘅熟食市场入面，其实一行到熟食市场入面就会睇到呢间嘢，熟食市场入面嘅环境比较狭窄，座位嘅数目亦都唔系太多，环境卫生都只系一般，到处都可以睇到地下遗留咗好多嘅烟头我喺早餐嘅时段去到，叫咗个鸡扒肠仔面＋冻奶茶，鸡扒炸得香脆，肠1肠仔就唔知系咪厨师肠，公仔面嘅面质唔系弹牙𠮶种，但又未至于话难食，冻奶茶都只系一般，奶嘅份量唔够，甜度亦都差咗些少，但够冻，幸好本店有老干妈辣椒油供应，用嚟拌公仔面食都几香口，微辣，唔错！顺便一提：熟食市场入面系冇冷气，如果天气太热就唔太建议去，而且熟食市场内嘅环境真系一般，只适合赶快用餐嘅人士，如果以价钱嚟讲，呢度嘅收费都唔算话好贵，一般打工仔都可以接受。