初麥手作烘焙

营业中

休息中

布甸包依样野都红左一段时间，不过因为油麻地𠮶间太多人排队，每次都夹唔啱时间，同布甸包无缘。近排知道原来港岛有间面包店有得卖，咁啱喺北角食完lunch见差唔多时间，就专程过嚟睇睇。布甸包固定3点半出炉，差唔多钟数嚟到已经见到有条人龙喺出面排，虽然系假日，但又唔算话好多人排嘅。不过基本上依个钟数嚟嘅大家全部都系买布甸包，其他产品比较少见到有人买。店内布甸包有分原味同埋香芋，另外仲有布甸葡挞。我今次净系买左原味($15)，如果芋头味要$19，见大部分人都系买芋头，可能比较有特色啲。本身攞到上手以为系热辣辣，不过点知原来唔系，同想像中有啲出入。因为返到屋企唔系即刻食，所以都要入烤箱叮一叮。叮完食落觉得啲布甸非常顺滑，有入口即溶嘅感觉，而且个面包烤到脆卜卜，texture都几特别。食得出有焦糖嘅味道，不过个人觉得个布甸偏甜左少少，有啲食唔惯。自己嚟讲觉得食过一次就可以，可能依样野食本身唔系太适合我，有啲甜得滞。