雞翼山 (謝斐道) (已結業)

之前出开旺角，有机会都会去呢间小食店买鸡翼食下，难得系公司附近开左，lunch又唔想食太多，所以就同同事黎左呢间系铜锣湾新开的鸡翼山食下鸡翼开心下。舖面感觉上好似冇旺角咁大，但系食物味道依旧。文青风玫瑰鸡翼($38/4件)，呢款系招牌鸡翼，食落有淡淡的玫瑰味同蜜糖味，闻落都好香玫瑰味，系每次必食之选!我系咸柠七鸡翼($38)，食落去真系好有系茶餐厅饮紧咸柠七既味道！火辣泰仔仔冬荫鸡翼($38)，呢款系我另一款最中意食既味道！食落有少少辣，又带有少少冬荫功既酸酸辣辣，呢款次次都想黎多round！柠香山葵蟹籽鸡翼($38)，呢度个味道刚刚好，蟹籽同wasabi酱份量唔会抢左大家既味道！咁中意食鸡翼既我lunch又有著落啦！