阿爺燒鵝餐室 (已結業)

今晚屋企开饭斩料加𩠌，平时都莫过于叉烧油鸡，不过今日想特别啲食烧鹅，就上openrice揾最近嘅烧鹅专门店，结果就拣中阿爷，以后港岛人想食靓烧鹅唔洗走到深井喇！阿爷店面红当当，而且位置好易揾。既然用得烧鹅做生招牌，就决定外卖烧鹅下庄 + $40烧腩仔。烧鹅下庄🔅烟薰味好香！份量好足料，甚至比想象中多😂 一咬落去皮脆肉嫩，鹅油即刻标哂出黎，好惹味。而且烧鹅嘅调味恰到好处，唔会太浓味。烧腩仔🔅返到屋企用煎pan轻轻爆一爆，呢份烧腩仔真系无得输，我个人喜欢食7分瘦3分肥，完全岩哂我心水，而且个皮仲系好脆！好食又抵食！