聰。C Dessert

营业中

休息中

-之前聪嫂甜品全线结业，好多熟客(包括🐷)都好唔舍得，大家都等紧佢几时会重开😖依加终于等到佢系湾仔强势回归！虽然基本上大部分营业时间都大排长龙，但座位流动速度算快，所以通常都唔使等好耐就可以入座👍🏻 🤍龙眼椰果冰 $46店舖招牌甜品！用大量新鲜龙眼打成沙冰，果然真材实料👍🏻所以食落有好香浓嘅龙眼香味，甜度适中，齿颊留香。加上龙眼肉、椰果、水晶珠，令口感更丰富，必须试🤩 🥭芒果豆腐花 $44芒果肉香甜无渣，基本上无乜酸味。芒果沙冰非常幼滑，配搭口感滑溜、带浓郁豆味嘅豆腐花，先有芒果甜味，再有豆腐嘅清香，味道清爽仲非常夹😋 🤎杞子圆肉雪莲子炖桃胶 $45同样都系店舖招牌甜品之一。食完冻嘅甜品，再食个热糖水暖下胃先🥰各种材料份量偏多，桃胶大大件，整圆肉香味突出，养生之选☺️ 🧇香蕉朱古力酱焦糖脆脆牛角窝夫 $38打卡able📸窝夫口感松脆，带空气感，食完都唔觉得太滞。放上云呢拿雪糕，再淋上朱古力酱、焦糖酱及焦糖脆脆，味道香醇丰富、甜中带咸。