六合小巷 (已結業)

台式鹌鹑蛋卤肉饭 $53平时食开嘅卤肉饭都用上鸡蛋，今次就用咗两粒鹌鹑蛋代替，卤肉同酱料好香，同白饭个比例啱啱好。半筋半肉面 $88餐厅安排咗上菜时先加汤，确保每碗汤面都系热辣辣送到枱到，汤系药膳汤底，牛筋唔需要多讲，一食落去已经好淋，好入味，有惊喜嘅系牛肉，牛肉淋到好似牛筋咁，食落唔黐牙，成个感觉好好。盐酥鱿鱼须 $68鱿鱼须炸粉皮簿，而且鱿鱼须条条都好大条，要将佢慢慢咬开先得。抹茶麻糬 $42麻糬食落好弹，好QQ，配上抹茶粉，唔会太甜，系一个晚餐完美嘅句号。