樓上大排檔

营业中

休息中

今次👦🏻👧🏻去咗装修充满香港特色嘅中菜餐厅 - 楼上大排档！当初拣食呢间餐厅系因为食物创新有啲Fusion，装修又以各餐厅招牌/机舖为主。饭后再问店完，原来同位于旺角嘅女人街食饭公司为姊妹餐厅！🌟金沙脆鱼皮呢个金沙脆鱼皮真系劲足料同大份，将咸蛋酱系炸鱼皮表面呈流沙状态，咬落去咸蛋味浓之余，仲极为香口同脆。🌟越式咖喱牛腩煲配法包餐厅将越式咖喱牛腩炖到软烂入味，唔会好硬身，食落每一口都有浓郁既咖喱香，而牛腩配法包简直一流享受。🌟黑松露滑蛋虾球黑松露滑蛋虾球嘅黑松露份量不少，所以嫩滑富蛋香嘅炒蛋中亦混入不少黑松露香气，至于虾球亦非常爽口弹牙。整体上配上香葱，捞饭一流！🌟瑶柱鲍鱼粒炒饭同样系十分足料嘅炒饭，瑶柱丝丝分明，为炒饭带嚟咸香味道。鲍鱼切粒后仍然系大大粒有咬口，炒饭干爽唔油腻。🌟怀旧虾多士一份三件嘅虾多士用薄白面包配上大虾，面包炸得松脆，如果有其他酱汁点嚟食就好啦🤪。