鉄人旨花 (已結業)

今日經過西環，就黎呢度試一試，店員好有禮貌咁招呼我地，第一個印象已經好好。一坐低見到餐牌有雲丹don食 諗都唔諗就決定揀呢個黎食原來仲會送一碗蜆湯 味道超好的一上菜見到鋪左滿滿既海膽 而且睇落都相當新鮮 食左一口相當鮮味 唔錯唔錯不過飯就唔係平時既醋飯 而係白飯唔係珍珠米 如果係珍珠米相信會更加好味 不過都好欣賞佢係用暖暖既飯 好好食另外叫左個小食 就係虎蝦天婦羅 本身以為會係普通既炸蝦天婦羅但入面原來係非常彈牙既虎蝦 好驚喜如果想食高性價比既日本菜 係港島黎講大家都可以試一試呢間 相信會係一個好好既食野同可以傾到計既地方