新嚐泰泰國餐廳

营业中

休息中

喺港岛唔使一定去九龙城食先食到正宗泰国菜，湾仔呢间泰国菜都系唔错嘅选择，餐厅全部由泰国人主理，又性价比高！✨小食拼盘 $138呢个拼盘有鱼饼、虾饼、春卷、肉丸生菜包，性价比高！鱼饼几特别，有冬荫功味，里面有豆粒更添口感。肉丸脆口偏辣好惹味，配埋生菜食几fresh。✨红咖喱海鲜跟薄饼 $108咖喱海鲜有大虾、青口、蚬，红咖喱本身唔辣啱晒我，薄饼微微煎过，外表少少脆内里好松软，点咖喱食系绝配！✨冬阴功汤炉蒸脆炸乌头鱼 $188乌头鱼炸至金黄酥脆，再置于明炉上以保持温度。配有柠檬叶、香茅辣姜、鱼露同辣椒膏秘制而成嘅冬阴汤，汤底酸辣带椰香，味道不错。