和歌山 (新鴻基中心)

营业中

休息中

每到中午饭时间都见呢间餐厅外面大排长龙，好彩都只系等5-10分钟就安排入座，环境都几舒适，系位与位之间比较窄啲，系香港地餐厅多数都系咁，无办法啦～餐牌上有日式定食、意粉、焗饭、天妇罗、吉列定食等今次同朋友叫左一个海胆酱蟹肉意粉加一个鸡豚二重奏定食鸡豚二重奏定食即系吉列猪扒加吉列鸡扒（有啲似某吉列专门店x吉），吉列做得不错，炸粉唔会太厚，但略为干身欠缺肉汁，酱汁有自己磨芝麻加吉列专用酱，意料之内嘅味道。意粉一上菜个阵闻到好香海胆味，卖相吸引，食落有淡淡鲜味，但略嫌个意粉汁太稀，令意粉挂汁度无咁饱满。整体黎讲价钱差不多嘅比较吓似乎定食会出色啲而呢间餐厅特色系可以跟餐叫埋UCC咖啡，不过今次就无试到，见除咗咖啡都仲有果茶等等可以拣，但价钱都稍贵，午餐价格黎讲就性价比较低了。