鮨玥 (已結業)

经朋友介绍嚟到港岛东苏豪区既人气日本铺头。先来两杯Suntory 日本啤酒。我哋先点了唐扬日本池鱼苗， 小池鱼炸到金黄色卜卜脆，甘香可口， 用嚟送酒作前菜绝对一流。我们点了顶级缟鲹深海池鱼王， 师傅刀工精湛，将鱼肉切到非常之薄片， 入口感受到肉质嫩滑之余亦带有鱼油香，配以柚子豉油来吃。跟住落嚟就系最出名嘅本鲔品种吞拿鱼做寿司。 有三个唔同部位包括赤身、中拖罗和大拖罗。赤身没有太多油脂，入口肉质虽然较实， 脂肪量相对最少，但是鱼味出众。中拖罗嘅脂肪比例亦恰到好处， 鱼香和鱼油嘅味道非常之丰富， 入口即溶。大拖罗的脂肪精华味道浓沃， 满满的鱼油和鱼香充斥在口入面翻滚， 真系可以话系一种享受。身为一个鱼生迷当然唔少得叫海胆寿司， 一上碟已经见到一客铺满北海道海胆既军舰。 海胆鲜味十足入口即溶， 味道浓厚甘甜， 一个字"正"。