棋子燒鵝 (長沙灣道)

营业中

休息中

已经有一排冇食烧味，但系偶然都会挂住𠮶阵味道！今日经朋友介绍嚟咗深水埗嘅棋子烧鹅，品尝佢哋嘅美食。棋子烧鹅主打烧味，可以配饭、濑粉、米线等煮食。而且仲有常餐、下午茶供应，选择非常丰富。今日嚟到就梗系要主要试吓佢哋嘅烧味啦！厨房有大型玻璃窗，可以见到立立令嘅烧鹅，肥美嘅叉烧等等。烧鹅髀饭 $108一嚟到𠮶阵有惊喜，烧鹅鹅髀劲大只！烧鹅味道非常正，有浓浓嘅炭烧味，非常特别、好味。烧鹅髀肉质鲜嫩，充满鹅油香，鹅肉非常香滑美味。而且鹅肉非常多汁，好Juicy，鹅味渗透饭粒，令个饭都更加之好味。另外，伴碟仲跟咗啲蔬菜～例牌叉烧 $88另外，我同朋友都试咗佢哋嘅招牌叉烧。叉烧半肥瘦，质感非常好。叉烧肉质松化同软腍。肥膏位充满油脂感，香喷喷。另外，叉烧布满蜜汁，甜甜地，表面烧得朝朝地，带点脆身，非常美味。冻奶茶 +$7跟餐冻饮热饮都系加$10。冻奶茶茶底香浓，茶同奶嘅比例刚刚好。冻柠茶 +$7冻柠茶有好多片柠檬！红茶茶底本来都已经调配得好好。