一品燒 (已結業)

平时食串烧多数系街边，一系就系啲日本野食日式串烧。呢间餐厅主打串烧，而且有得坐系到食，无限时，岩哂同朋友倾计聚旧,串烧既款式都有好多，有丸、猪牛鸡羊、蔬菜、仲有海鲜,先讲海鲜，海鲜既价钱比其他贵，所以只点了芝士生蚝。生蚝比想像中大只同埋肥，烧得刚好，芝士颇多，食落唔会有腥味,十分推介~而蔬菜类就拣左烧鸡脾菇同埋金菇。蔬菜既话份量偏少，如果想饱肚建议多点其他。烧鸡脾菇得3块, 不过味道唔错, 烧完仲好juicy~而金菇份量就多小小, 食落好香牛油味, 同埋都仲好多汁, 唔错~肉类就点左饺子鸡翼、猪颈肉同埋鸡软骨。饺子鸡翼果日做紧特价，$18一份有两只，原价$36，好抵.鸡翼入面包左猪肉, 几得意, 所以叫做饺子鸡翼, 不过鸡翼偏细只~而猪颈肉酱汁几惹味，肉质算juicy，推介！鸡软骨就唔推介，份量很少而且烧得太干，咬唔开。店铺人手较少，所以上菜有点慢，但服务态度尚可。由于唔限时，所以同朋友坐左好耐倾计，几适合同朋友聚旧！虽然每样价钱唔太贵但系份量偏少，要饱肚就要点好多碟才够，所以埋单都唔平，大家要注意喔。