凝香園 (已結業)

啱啱喺美食广场「田湾食 mart」吃完热狗，仍有点意犹未尽，决定再转战呢间港式传统小食店「凝香园」。餐牌非常简单，一目了然，当中包括有鱼肉烧卖、咖喱鱼蛋、白滑肠粉、鸡蛋仔、格仔饼、碗仔翅同生菜鱼肉等。鸡蛋仔同格仔饼系我嘅至爱，而友人就对咖喱鱼蛋、鱼肉烧卖情有独钟，既然一场嚟到，就一于买多几款齐齐分享。鸡蛋仔同格仔饼每底都只系 $10，非常抵食。鸡蛋仔颗颗浑圆饱满，咬下外层酥脆，里面软绵松化；而格仔饼亦烘得金黄均匀，啖啖都食到酱料。鱼蛋弹牙爽口，配辣酱同豉油食，够晒惹味；而鱼肉烧卖水准亦唔错，每啖都食到鱼肉嘅香味，入口软滑得来有弹性。另外生菜鱼肉同碗仔翅都好正，两款小食都系唔少香港人的集体回忆。鱼肉做得挺身，食落弹牙有嚼劲！碗仔翅亦毫不逊色，每一口都能尝到满满材料，捞埋啲浙醋食，更可以提升佢嘅味道。听朋友讲，只要消费满指定金额，商场就会有泊车优惠提供，所以每逢假期同周末，都有唔少人揸车嚟买外卖。