金鳳大餐廳 (新都城中心三期)

营业中

休息中

屹立香港多年的金凤大餐厅，主打铁板套餐，款式种类选择多。金凤虽然绝大部份扒类都是牛为主，也有猪扒、鸡扒选择，以金凤招牌，扒餐是有一定质素的。餐汤有忌廉汤及罗宋汤，忌廉汤除咗粟米粒粒之外仲有切到细细粒嘅洋葱，令到个汤更加香甜和creamy。而罗宋汤热辣辣，浓郁得黎带点辣，好足料。另外，餐包都唔错，好软熟，加埋牛油一齐食，超级享受，大满足。大大份嘅扒餐，有黑椒汁同蒜蓉汁两种选择（我选了蒜蓉汁），铁板热力足够，店员会系您面前帮你倒黑椒汁或蒜蓉汁，一倒就「咋咋声」劲香！好吸引（蒜蓉味好香好浓）！牛扒肉味好浓，五成熟刚刚好，肉质超嫩滑好易切开，大大块充满肉汁，配上蒜蓉汁好香，垫底嘅薯条和翠玉瓜索晒啲蒜蓉汁好惹味，份量好足好饱肚，风味十足。整体嚟讲，质素有保证，铁板够晒热，肉质唔错，而且分量够晒大，钟意锯扒嘅朋友绝对唔好错过。餐厅员工整体上非常友善，非常适合与朋友、家人、情侣聚餐，大家有兴趣不妨试下！