有運燒味飯店

营业中

休息中

之前「有运烧味」旧舖关门，相信喺附近住嘅街坊或者做野嘅人，应该同我一样，都有D失落。有日见佢啱啱喺隔离舖位，再次重新开张，而且间舖头阔落咗，就入去坐低食。（以前系好难坐入去食）以往帮衬都必定会点叉烧油鸡，Lee 间嘅半肥瘦叉烧，依旧切得厚度适中，啖啖肉又腍又多汁。唔似连锁茶餐厅或者快餐店咁切到薄切切。油鸡肉质嫩滑唔嚡口。由细到大最钟意系个姜蓉，细个𠮶阵直情可以用佢嘅姜蓉捞成碗饭食，买任何斩料加𩠌，都要多姜蓉。估唔到老师傅依然记得「多姜蓉多汁」吖吓 乳猪皮够脆，调味唔会太咸。喺其他地方应该好难再揾到呢种道地而熟悉嘅味道同人情味。