影片
更多
2023-05-27
1330 浏览
今日带大家嚟到铜锣湾中心地带，Fashion Walk后街嘅小巷嘅一间冰室。假日嚟到都冇咩人流唔驶等位。红白格子枱布配传统嘅圆桌，仲有扮巴士嘅区域系红色嘅卡位梳化位置，到处都放满咗香港唔同地区嘅招牌，好有香港文化嘅感觉。距离铜锣湾地铁站5分钟步程，餐厅都算好阔落，分为室内同室外区域， 呢个夏天周围都好闷热，入到嚟即刻觉得好凉爽，冷气都几够！（怕冻嘅朋友，记得带件外套仔）其实之前每次经过铜锣湾都约朋友嚟呢间冰室食下午茶，今次就嚟试吓佢嘅铁板烧同其他单点菜单。朋友点咗铁板西冷扒加一杯热奶茶，跟餐叫咗个意粉同蒜蓉汁，铁板烧得够热落汁「咋咋」声，西冷扒份量都算几大份，配埋牛油西兰花同菠萝（罐头甜味），意粉本身加咗调味同整得几爽口，热奶茶几香滑！另一位朋友叫咗一个焗肉酱意粉，应该系用免治牛肉同猪肉整成，略嫌酱汁不足，但味道都几浓郁，份量就一般都够食。我点嘅系鸡批浮台~鸡批菠菜蓉汤，鸡批好大一个放在菠菜蓉汤嘅中心，热辣辣嘅鸡批食到忌廉鸡蓉同鸡肉口感与香味，酥皮嘅表面好酥脆，配埋菠菜蓉汤真系意外地夹同香滑。特饮黑牛系分开叫，雪糕份量几足，要分几次倒可乐入去饮，啱晒呢个天气饮！我另外再叫咗一份香煎法兰
今日带大家嚟到铜锣湾中心地带，Fashion Walk后街嘅小巷嘅一间冰室。假日嚟到都冇咩人流唔驶等位。
红白格子枱布配传统嘅圆桌，仲有扮巴士嘅区域系红色嘅卡位梳化位置，到处都放满咗香港唔同地区嘅招牌，好有香港文化嘅感觉。距离铜锣湾地铁站5分钟步程，餐厅都算好阔落，分为室内同室外区域， 呢个夏天周围都好闷热，入到嚟即刻觉得好凉爽，冷气都几够！（怕冻嘅朋友，记得带件外套仔）其实之前每次经过铜锣湾都约朋友嚟呢间冰室食下午茶，今次就嚟试吓佢嘅铁板烧同其他单点菜单。
朋友点咗铁板西冷扒加一杯热奶茶，跟餐叫咗个意粉同蒜蓉汁，铁板烧得够热落汁「咋咋」声，西冷扒份量都算几大份，配埋牛油西兰花同菠萝（罐头甜味），意粉本身加咗调味同整得几爽口，热奶茶几香滑！
另一位朋友叫咗一个焗肉酱意粉，应该系用免治牛肉同猪肉整成，略嫌酱汁不足，但味道都几浓郁，份量就一般都够食。
我点嘅系鸡批浮台~鸡批菠菜蓉汤，鸡批好大一个放在菠菜蓉汤嘅中心，热辣辣嘅鸡批食到忌廉鸡蓉同鸡肉口感与香味，酥皮嘅表面好酥脆，配埋菠菜蓉汤真系意外地夹同香滑。
特饮黑牛系分开叫，雪糕份量几足，要分几次倒可乐入去饮，啱晒呢个天气饮！
我另外再叫咗一份香煎法兰西多士，其实真系有少少失望，因为西多嘅厚度非常之薄，一般旧式西多系会用两层面包片夹住花生酱再以鸡蛋浆攞去煎/炸，首先唔够香脆，而且感觉唔到诚意，不过我都另外叫佢俾奶酱我配嚟食，味道是ok 可以接受。
其实以冰室价钱佢都系偏贵，不过座落铜锣湾中心点，都算情有可原 ，只是真心可以再俾多少少诚意先会吸引到顾客。
张贴
