超哥印尼手打麵 (已結業)

今晚屋企无饭食，于是就唯有出街揾吓，睇吓有咩好嘢食。行咗阵都谂唔到食乜好，见到有间印尼手打面，心谂未食过手打面，试吓都好，于是就入咗去。入到去见到餐牌，佢应该主打系食面，因为除咗面之外都无咩选择。但见到隔离枱碗面好细碗，自己本身又大食，再加上睇到餐牌碗面都成差唔多40蚊，觉得唔系好抵，所以就无叫。跟手见到餐牌有个印尼叉鸡饭，都想知印尼的烧味饭系点，所以就见咗呢个，另外见到有黑咖啡，自己又钟意饮，所以就叫埋。碟饭上到枱之后，望落去个卖相同普通烧味饭无咩分别，咁可能系啲味会唔同，都无理咁多就食。食落去觉得同餐记烧味饭无唔同，但系收50几蚊，觉得有啲贵。到杯黑咖啡，同普通茶记咖啡一模一样，完全唔黑，饮唔出点黑法，不过系睇都睇唔出。