九份•十分 (河畔花園) (已結業)

今天晚上去了沙田水田河畔选了这间台湾菜馆(因为在网上睇节目时介绍台湾牛肉面，而且在openrice亦见评语不俗，所以去了一试。一进店舖，装修不错，有一点台南小镇的感觉。打开餐牌，马上点了红烧半筋半肉牛肉面、芭乐凤梨盐水鸡干拌面、台式烤香肠、忌廉芝士磨菇鸡翼、老妈煎饺子、柳丁绿茶及青瓜梳打。先讲牛肉面、牛肉都算入味,但偏「淋」，没有台湾牛肉面的咬口，应该是在煲里煮了一段长时间(感觉就好似香港啲茶餐厅牛腩饭一样咁淋，而且汤味偏淡，菜圃亦很少，而且完全无味，面身食落去同大家食啲削面无分别(不过大家食仲有得自己落菜圃)，所以呢个牛肉面系唔合格。而盐水鸡干拌面，全部都系鸡胸肉，仲要系完全无味，所以都系唔合格。烤香肠就正常，都系一般台湾肠的味道。鸡翼反而唔错，食落去无骨之余，啲忌廉味都几香，而且都几多磨菇，配搭唔错，值得一试。煎饺子就无乜惊喜，普普通通。柳丁绿茶都系普通，反而杯青瓜梳打几香，饮落口个感觉几清新。整体嚟讲，小食系唔错，但当正餐(牛肉面)就麻麻地。