沙田友冰室 (已搬遷) 新店位置

自从石门站隔离开咗新商场有好多新餐厅今日就试咗sell地道风味嘅香港茶餐厅。餐厅门口好似电影海报咁精致。入面嘅装修都好精致，色彩缤纷，充满香港特色。餐牌上有好多野食选择，常餐、碟头饭、小菜等等。我同朋友今次想试小菜。每个小菜都奉送例汤，白饭同热饮，加钱可以转特饮。黄金色嘅椒盐猪扒卖相吸引，望落干身之余十分香脆，猪扒够厚身所以有口感，而椒盐香口惹味，增加食欲。通菜牛肉系一个有菜又有肉健康嘅选择，通菜份量算多，煮得够软，加埋牛肉就更加多元化。最后我哋点咗柠檬菜蜜，柠檬可乐，咁就一餐饱饱嘅家常便饭喇！每位$80，价钱实惠，有机会可以试下其他款式。