金源冰室

营业中

休息中

细细个喺到住就会夹埋成班同学仔一齐share个杂扒餐，仲要配枝玻璃樽大柠乐拎多只杯share饮，20年过去，我都搬离咗坪洲，最近返嚟探下朋友，再叫返个杂扒餐，依然喺金源独有酱汁同埋个块历史悠久嘅铁板，再做落去块铁板真喺就嚟变古董。其实个杂扒餐就喺好普通嘅猪扒、牛扒、鸡扒、肠仔同火腿再配薯条，不过以前食完仲有个小甜品就喺花奶小啫喱，但慢慢地好似就无了。金源嘅特色喺佢嘅秘制酱汁，无论你叫咩嘢食，即刻叫蕃茄牛肉饭，佢都唔喺用蕃茄汁，都会照用佢喱个秘制酱汁，大家都可以嚟试一试。