Soi.29

营业中

休息中

听讲尖沙嘴开左间好特别既泰国菜，铺头内笼好似港式大牌档。虽然似大牌档，但坐落唔逼同都算舒服。我地今日好肚饿，叫左四样野食，分别系冬阴功汤金边粉 / 烧牛肉 / 酥炸皮蛋虾饼 / 虾膏炒饭。冬阴功汤金边粉好多人推介依个，但我觉得佢唔算好惊喜，算系正常味道，佢味道偏甜酸，冇咩辣味，个人比较钟意酸辣重D既冬阴功汤，下次黎就未必会再叫。烧牛肉依个真系必食同埋一定会再食，牛肉烧得岩岩好，唔会太熟好淋，唔使点咬已经食到，而且本身调味都好够，真系会食唔停。酥炸皮蛋虾饼今晚最惊喜既一道菜，完全冇谂过皮蛋同虾饼系咁夹，但记得记得一定要点泰式辣酱，成件事系即刻变满分。觉得依道菜会系伏既朋友，你叫完一定唔会后悔。虾膏炒饭依个算系正常发挥，略嫌D饭未算好干，但都有好香既虾膏味，算系医肚唔错既选择。