輝哥私房菜 (裝修中)

细妹之前嚟食过大闸蟹宴，已经介绍我要嚟试吓，今日终于同屋企人book枱食晚饭。「辉哥私房菜」主打中菜，款式都几多样化，饮茶点心、怀旧小菜、盆菜、蛇羹宴、九大簋⋯⋯而且都几多新搞作，见到中午有点心放题都好抵食，已经计划下次要嚟试吓。叫得私房菜，都有啲隐世feel，店面唔算好大，设有vip房，啱晒一班朋友book房食饭。餐牌小菜款式多，我哋叫咗四𩠌一汤，都几惊喜可以喺度食到大排栏档镬气风味，同屋企人慢慢叹倾吓偈，愉快的一晚。✥ 粉葛排骨老火汤首先上老火汤，全用新鲜排骨、鲜料煲出嚟，好浓郁但无味精，而且好足料，排骨、猪什、粟米、红萝卜。猪肉煲到好腍，连埋其他汤渣一齐蘸豉油食真系好正，啲𩠌未嚟已经食咗好多。✥ 豉油皇海虾食得出海虾走油时好够镬气，热油将虾壳炸到香脆，而虾肉仍然保持爽弹唔会干晒。酱汁鲜味浓郁唔会过咸，虾壳都沾满豉油香，非常惹味。✥ 姜葱鲜班头腩煲瓦煲上枱时热辣辣，已经闻到味道好香，用新鲜班头腩，鱼味鲜美，厚身啖啖肉，酱汁浓郁惹味，爆香咗嘅姜葱食唔停口。✥ 啫啫鸡煲系港式经典煲仔菜，瓦煲上枱时仲系高温，爆煮得鸡肉香喷喷，发出「啫啫」声，鸡肉入味，件件靓部位，份量都算多。料头干葱、紫