七月餐室 (已結業)

去九龙湾见到有叫七月餐室嘅餐厅，menu上亦有各种各样嘅晚餐小炒菜式，而且环境光鲜，就走入去试下。今次叫左4款小炒，包括韭黄虾仁炒蛋、西兰花炒斑片、椒盐肉排及四川回锅肉。先黎2碗老火靓例汤，系合掌瓜青红萝卜煲猪骨，材料十足而且汤水鲜甜。韭黄虾仁炒蛋嘅韭黄清爽，蛋就软滑香浓，配上大大粒虾仁送饭一流。西兰花炒斑片有超多斑片，最紧要系好新鲜，厚身得黎又冇鱼骨，西兰花索左鱼嘅鲜味好味道。椒盐肉排有大量干指天椒、椒盐及胡椒炒，超级惹味，肉排又多且够肉汁。四川回锅肉同样镬气十足，加上大量韭菜去抄，同回锅肉好夹，令口感提升。饮埋玻璃樽装可乐，依餐食得好饱。