相見車仔麵館 (已結業)

呢间新开张几个月嘅小店，用上绿白阶砖嘅墙面，充满住怀旧港式味道，几特别！小店主打车仔面同多款港式小食，好有港味，值得一访！食客都唔少，而且价钱都几抵食，除咗主食车仔面之外，佢嘅港式小食都系特点之一，同朋友嚟high个tea都系唔错嘅选择！-——————————————🍜◖三𩠌车仔面◗ $49可以自选三个𩠌同一款面，今次拣咗咖喱牛柏叶、猪红同柱侯牛腩（+$5），配腩汁粗面，粗面面质爽弹，可以自己拣软硬度，佢𩠌嘅份量都唔少。车仔面会跟配一杯嘢饮，试咗一支樽仔豆浆，自家制甜度啱啱好，充满豆香，下次可以试吓佢嘅樽仔奶茶～😋🥞◖豆奶鸡蛋仔◗ $22佢嘅鸡蛋仔好大底，外脆内软，每粒都好饱满，用咗豆奶去开个蛋浆，淡淡嘅豆味又唔会太甜，咬落好Q弹，几特别！推荐可以试，摊冻咗少少食，口感少少韧，建议一上枱即刻食！🥚◖宇治金时鸡蛋仔波波球◗ $28/6粒早排好兴微笑鸡蛋仔，呢个鸡蛋仔波波都好特别，夹住抹茶红豆馅，软绵绵充满蛋香，好食！🍢◖港式串烧◗ $36/三串可以散嗌，或者$36叫三串，今次一口气叫咗六串，有龙虾丸、芝士丸、牛筋丸、芝士肠波波、鱼肉烧卖同鸡腿肉，超丰富！个人觉得佢个芝士波波肠、烧卖同龙虾